ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Փետրվարի 8-ին Լոնդոնում 77 տարեկան հասակում վախճանվել Է բրիտանացի գրող Մարգարետ Ֆորսթերը, հաղորդում Է «Արմենպրես»-ը՝ հղում անելով The Guardian-ին:

Ֆորսթերը գրել Է շուրջ քսան վեպ եւ տասը կենսագրական գիրք: Նա հռչակ ձեռք բերեց 1960-ական թվականների կեսերին՝ «Ջորջի աղջիկը» վեպի լույսընծայումից հետո: 1966 թվականին դրա մոտիվներով նկարահանվել Է համանուն ֆիլմը՝ Լին Ռեդգրեյվի եւ Շառլոտա Ռեմփլինգի մասնակցությամբ, որի անվանաերգը՝ Georgy Girl-ը, The Seekers խմբի կատարմամբ դարձել Է միջազգային հիթ:

Մարգարետ Ֆորսթերի գեղարվեստական երկերի թվում են «Զբոսայգին», «Միսիս Փենդլբերիի գայթակղումը», «Մասնավոր թղթերը» գրքերը: Նրա «Հարսնացուի անծանոթ ըեկերուհին» վերջին վեպը լույս Է տեսել 2013 թվականին:

Ֆորսթերը նաեւ հայտնի Է Ուիլյամ Թեքերեյի մասին («Վիկտորիական ջենթլմենի գրառումները») եւ ֆեմինիզմի պատմության մասին («Կարեւոր քույրեր») գրքերով: