Շվեդիայի արտգործնախարարը Երևանից կմեկնի Բաքու
11:58, 9 Փետրվար 2016
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Շվեդիայի արտաքին գործերի նախարար Մարգոտ Վալստրյոմը փետրվարի 9-10-ն աշխատանքային այցով կլինի Ադրբեջանում: Ինչպես հաղորդում է «Արմենպրես»-ը, այս մասին տեղեկացնում է ադրբեջանական ԱՊԱ գործակալությունը:
Այցի շրջանակում Շվեդիայի արտգործնախարարը կհանդիպի Ադրբեջանի իր գործըներոջ` Էլմար Մամեդյարովի հետ: Հանդիպումից հետո երկու երկրի արտաքին քաղաքական գերատեսչությունների ղեկավարները մամուլի ասուլիս կհրավիրեն:
Մարգոտ Վալստրյոմը փետրվարի 8-9-ը ժամանել է Հայաստան: Նա այցելել է Հայոց ցեղասպանության զոհերի հուշահամալիր` հարգանքի տուրք մատուցելով Եղեռնի զոհերի հիշատակին: Ավելի ուշ սպասվում է նրա հանդիպումը ՀՀ արտգործնախարար Էդվարդ Նալբանդյանի և նախագահ Սերժ Սարգսյանի հետ:
Բաժանորդագրվեք մեր ալիքին Telegram-ում