Թայվանում փրկարարներին հաջողվել է փլատակներից դուրս բերել երկու մարդու
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Թայվանցի փրկարարներին փետրվարի 8-ին հաջողվել է երկրաշարժի հետեւանքով փլված 17-հարկանի շենքի փլատակներից դուրս բերել երկու մարդու: Իսկ զոհվածների ընդհանուր թիվը, ըստ վերջին պաշտոնական տվյալների, հասել Է 37-ի, տեղեկացնում Է «Արմենպրես»-ը:
Ինչպես հայտնել են օպերատիվ շտաբում, 40-ամյա տղամարդը եւ տարեց կինը փլատակների տակ անցկացրել են ավելի քան 50 ժամ: Նրանց երկուսին Էլ հոսպիտալացրել են ծանր վիճակում: Թայնան հատուկ մունիցիպալիտետի նույն այդ շենքի ավերակներում մնում են եւս ավելի քան հարյուր տուժածներ:
6,4 մագնիտուդով երկրաշարժը կղզում տեղի է ունեցել լույս փետրվարի 6-ի գիշերը: Թայնան հատուկ մունիցիպալիտետում ավերվել են մի քանի տասնյակ շինություններ: Ստորգետնյա ցնցումներն զգացվել են նաեւ Գաոսյուն քաղաքում եւ Պինդունի եւ Ցզյաիի գավառներում, սակայն այնտեղ առանձնապես մեծ վնաս չի պատճառվել:
ՉԺՀ-ի նախագահ Սի Ցզինպինը ցավակցություն է հայտնել զոհվածների հարազատներին եւ կղզու իշխանություններին առաջարկել Է մայրցամաքային Չինաստանի աջակցությունը տարերային աղետի հետեւանքների վերացման գործում, հաղորդել է ՏԱՍՍ-ը:
Լուսանկարը` Getty
Բաժանորդագրվեք մեր ալիքին Telegram-ում