ՆԱՏՕ-ն կշարունակի ամրապնդել Թուրքիայի հակաօդային պաշտպանությունը
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՆԱՏՕ-ն կշարունակի աջակցել Թուրքիային նրա հակաօդային պաշտպանությունն ապահովելու գործում, բայց դա առնչություն չունի ռուսական Սու-24-ի վրա գրոհի միջադեպի հետ: Այդ մասին, ինչպես տեղեկացնում Է «Արմենպրես»-ը, հայտարարել Է ՆԱՏՕ-ի գլխավոր քարտուղար Ենս Ստոլտենբերգը, որը ժամանել Է Բրյուսել՝ մասնակցելու ՆԱՏՕ-ի արտաքին գործերի նախարարների հանդիպմանը:
«Թուրքիան կարեւոր դաշնակից Է, մենք այնտեղ ենք գտնվում երկար տարիներ, եւ այդ աշխատանքը ոչ մի առնչություն չունի անցած շաբաթ ռուսական ինքնաթիռի հետ տեղի ունեցած միջադեպի հետ»,-ասել Է նա:
«ՆԱՏՕ-ի ջանքերի շրջանակներում Իսպանիան Թուրքիայում տեղակայել Է հակաօդային պաշտպանության Patriot համակարգեր, ԱՄՆ-ը եւ Մեծ Բրիտանիան տեղաբաշխել են ինքնաթիռներ՝ մեր դաշնակցի օդային տարածության անվտանգության ապահովման համար,-ասել Է նա:-Դա Թուրքիային աջակցման միջոցառումների մի մասն Է, եւ ես սպասում եմ, որ այդ բնագավառում նոր որոշումներ կընդունվեն առաջիկա շաբաթներին»:
«Բայց ես ցանկանում եմ կրկնել, որ այդ ջանքերը գործադրվում են արդեն մի քանի տարի: Ինչ վերաբերում Է ռուսական ինքնաթիռի հետ կապված միջադեպին, ապա մենք պետք Է գտնենք ապաԷսկալացման, լարվածության թուլացման հնարավորություններ եւ շփումներ հաստատենք, այդ թվում՝ ռազմական կապուղիներ, որոնք թույլ կտան կանխել նման միջադեպերը»,- ասել Է նա, հաղորդել Է ՏԱՍՍ-ը:
Լուսանկարը` EPA
Բաժանորդագրվեք մեր ալիքին Telegram-ում