ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Իտալիայում Տորթերի դիզայներների ազգային ասոցիացիայի հացթուխները եւ նկարիչները Միլանի Շոու հոբիի շրջանակներում թխել են աշխարհում ամենամեծ տորթը, հաղորդում Է «Արմենպրես»-ը՝ հղում անելով The Local-ին: Քաղցրավենքի մակերեսը, որը պատրաստվել Է Իտալիայի քարտեզի տեսքով, կազմել Է 244 քառակուսի մետր, քաշը՝ 1 տոննայից ավելի: Դեսերտը զարդարող շաքարե ֆիգուրների թվում եղել են Պիզայի աշտարակը եւ Ալպերը:

Հացթուխներն ու դիզայներները չորս օր են աշխատել, որպեսզի թխվածքը ներկայացնեն Գինեսի ռեկորդների գրքի համար: Guinness World Records-ի աշխատակից Լորենցո Վելտրին պաշտոնապես հաստատել Է, որ իտալացի խոհարարների ստեղծածն ամենամեծ տորթ-քանդակն Է աշխարհում:

Ռեկորդը գրանցելուց հետո դեսերտը բաժանել են 12 հազար կտորների եւ բաժանել տոնավաճառի այցելուներին:

Հավելենք, որ աշխարհում ամենամեծ տորթ-քանդակի նախորդ ռեկորդը գրանցվել Է 2014 թվականին Լոնդոնում. դրա պատվիրատուն Fairy ընկերությունն Էր, որը պատկանում Է Procter & Gamble կոնցեռնին: