Թուրքիայում Դավութօղլուի գլխավորությամբ անվտանգության խորհրդի նիստ է անցկացվել
10:19, 6 Հոկտեմբեր 2015
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի վարչապետ Ահմեդ Դավութօղլուն Չանքայայի պալատում ուժային կառույցների ղեկավարների հետ անվտանգության խորհրդի նիստ է անցկացրել:
Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Շուրջ 3 ժամ տևած նիստի ժամանակ քննարկվել են թուրք-սիրիական սահմանին օդային խախտումներին, Իրաքից և Սիրիայից Թուրքիային սպառնացող ահաբեկչությանը, ինչպես նաև երկրի ներսում տարվող հակաահաբեկչական պայքարին առնչվող հարցեր:
Նիստին ներկա են եղել փոխվարչապետները, ներքին գործերի և արդարադատության նախարարները, ցամաքային, օդային և ծովային ուժերի հրամանատարները, զինված ուժերի գլխավոր շտաբի պետի տեղակալը, ազգային հետախուզական ծառայության ղեկավարը և այլոք:
Բաժանորդագրվեք մեր ալիքին Telegram-ում