ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Եմենում առնվազն 505 երեխա Է զոհվել, 702-ը՝ վերքեր ստացել այս տարվա մարտից, երբ երկրում սկսվեց սրվել հակամարտությունը: Այս մասին, ինչպես տեղեկացնում Է «Արմենպրես»-ը, ճեպազրույցի ժամանակ հայտնել Է ՄԱԿ-ի Մանկական հիմնադրամի (ՅՈՒՆԻՍԵՖ) պաշտոնական ներկայացուցիչ Քրիստոֆ Բուլյերակը:

«Եմենում շուրջ 10 մլն երեխաներ, որոնք կազմում են երկրի 18-ից ցածր տարիքի բնակչության 80 տոկոսը, հումանիտար օգնության կարիք ունեն»,-նշել Է նա, հավելելով, որ ավելի քան 1,7 մլն երեխաներ «ենթարկվում են թերասնման վտանգի»:

Այս տարվա ընթացքում երեք անգամ ավելացել Է մինչեւ 5 տարեկան այն երեխաների թվաքանակը, որոնք «թերասնման լուրջ վտանգի են ենթարկվում»: Նրանց թիվը 160 հազարից հասել Է 537 հազարի, ընդգծել Է Բուլյերակը, հաղորդել Է ՏԱՍՍ-ը:

Լուսանկարը` REUTERS