Հարավաֆրիկյան Հանրապետությունն Աֆրիկայի առաջատարն է միլիոնատերերի թվով
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Հարավաֆրիկյան Հանրապետությունն Աֆրիկայի առաջատարն է դոլարային միլիոնատերերի թվով, տեղեկացնում է «Արմենպրես»-ը՝ հղում անելով BBC News-ին:
AfrAsia բանկի եւ New World Wealth-ի զեկույցի համաձայն՝ միայն Յոհանեսբուրգում, որը հայտնի է որպես «ոսկե քաղաք», ապրում են 23,4 հազար միլիոնատերեր: Իսկ ընդամենը ՀԱՀ-ին է բաժին ընկնում աֆրիկացի բոլոր միլիոնատերերի մեկ երրորդը:
Այդ ցուցակում երկրորդ տեղն զբաղեցնում է Եգիպտոսի Կահիրեն, որտեղ գրանցված է 10,2 հազար միլիոնատեր: Երրորդ հորիզոնականում Նիգերիայի մայրաքաղաք Լագոսն է՝ 9,1 հազար միլիոնատերերով:
Ընդամենն Աֆրիկայում ապրում է 163 հազար միլիոնատեր, որոնց միագումար կարողությունը կազմում է 670 մլրդ ԱՄՆ-ի դոլար:
Զեկույցում ասված է, որ միլիոնատերերի քանակն ամենից արագ է աճում Գանայի մայրաքաղաք Աքրայում, թեեւ ներկայում այն նույնիսկ հնգյակում չէ, հաղորդել է «Ինտերֆաքս»-ը:
Բաժանորդագրվեք մեր ալիքին Telegram-ում