Կազմվել Է Մեծ Բրիտանիայի ամենաայլանդակ շենքերի ցուցակը
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Լոնդոնի Սիթիի երկնաքերը, որին արտասովոր ձեւի համար «Ուոքի-Թոքի» կամ «ռացիա» են անվանել, ճարտարապետական հակամրցանակ Է ստացել որպես Մեծ Բրիտանիայի ամենաանճոռնի շենք, տեղեկացնում Է «Արմենպրես»-ը՝ հղում անելով BBC-ին:
Ամեն տարի բրիտանական Building Design ճարտարապետական հանդեսը ընտրում Է երկրի ամենավատ նոր շենքը՝ դրա ճարտարապետներին հանձելով այսպես կոչված Քարբունքուլի գավաթը:
Մրցանակի հեղինակները հավաքում են հանդեսի ընթերցողների կարծիքները եւ ընտրում հաղթողին: Այս տարի դատավորները որոշումն ընդունել են միաձայն. ամենաահավոր եւ բնապատկերը խաթարող շենք Է ճանաչվել Սիթիի երկնաքերը, որի տարբերիչ առանձնահատկությունը վերեւում լայնացող ձեւն Է:
Իր ոչ երկար կյանքի ընթացքում 37-հարկանի շենքը հասցրել Է դառնալ մշտական ծաղրուծանակի առարկա:
Հակամրցանակի մյուս անվանակարգորդների թվում են Parliament House 23-հարկանի բնակելի համալիրը Լամբետի շրջանում, Woodward Hall բնակելի համալիրը Լոնդոնի հյուսիս - արեւմուտքում, ուսանողական հանրակացարանը Քեմբրիջում եւ Waltham Forest YMCA-ի խորանարդաձեւ կցաշենքը, որտեղ տեղավորված Է դեռահասներին օգնություն ցույց տվող կազմակերպությունը:
Անցյալ տարի ամենաայլանդակ շենք կատեգորիայում հաղթող Է դարձել գերշուկայի շենքը Լոնդոնի հարավ - արեւելքի Վուլիչի շրջանում:
Լուսանկարը` REUTERS
Բաժանորդագրվեք մեր ալիքին Telegram-ում