Ֆրանսիացի ֆերմերները փորձում են տրակտորներով արգելափակել Փարիզը
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիացի ֆերմերները սեպտեմբերի 3-ին տրակտորներով շարժվում են դեպի Փարիզ՝ բողոքի ակցիա անցկացնելու երկրի մայրաքաղաքում, տեղեկացնում Է «Արմենպրես»-ը՝ հղում անելով BBC-ին:
Ինչպես նշվում Է, Փարիզ տանող ճանապարհներին նկատվել են հազարից ավելի տրակտորներ: Առաջինը մայրաքաղաք Է հասել Բրետանից մեկնած ֆերմերների ավտոշարասյունը:
70 մեքենաներից բաղկացած շարասյունը հասել Է Փարիզ եւ ուղեւորվել Ազգերի հրապարակ, որտեղ հավաքվում են ժամանող ֆերմերները:
Ինչպես հայտարարել Է բողոքի ակցիայի կազմակերպիչը՝ Գյուղատնտեսական արտադրանք արտահանողների ասոցիացիան (FNSEA), ընդամենը ակցիային պետք Է մասնակցի 1700 մեքենա:
Տրակտորների երթը շարունակել Է բողոքի այն ակցիաները, որոնք արդեն առաջին շաբաթը չԷ, որ կազմակերպում են ֆրանսիացի ֆերմերները: Հիմնական խնդիրը, որից գանգատվում են ֆերմերները, գյուղատնտեսական արտադրանքի գնման ցածր գներն են:
Նրանք հայտարարում են, որ Էժան ներմուծումը ոչնչացնում Է Ֆրանսիայի գյուղատնտեսությունը: «Եթե մենք ցույց տանք, որ կարող ենք արգելափակել Փարիզը, գուցե դա հարկադրի կառավարությանն ինչ-որ բան անել: Ես ներողություն եմ խնդրում փարիզցիներից, բայց ձեզ մոտ են գալիս ֆերմերները»,-իրադրությունը տեղական լրատվամիջոցներին տված հարցազրույցում մեկնաբանել Է ակցիայի մասնակիցներից մեկը:
Լուսանկարը` REUTERS
Բաժանորդագրվեք մեր ալիքին Telegram-ում