Դատարանը Գվատեմալայի գործող նախագահին ձերբակալելու արտոնագիր Է տվել
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Գվատեմալայի Գերագույն դատախազությունը երկրի գործող նախագահ Օտտո Պերես Մոլինային ձերբակալելու արտոնագիր Է տվել, տեղեկացնում Է «Արմենպրես»-ը՝ հղում անելով Reuters գործակալությանը:
Ավելի վաղ Գվատեմալայի միապալատ խորհրդարանը քվեարկել Է երկրի նախագահի դատական անձեռնմխելիությունը չեղարկելու օգտին:
Գլխավոր դատախազությունը եւ Գվատեմալայում անօրինականության դեմ պայքարի միջազգային հանձնաժողովը, որը ֆինանսավորվում Է ՄԱԿ-ի կողմից, կասկածում են, որ հենց նախագահն Է գլխավորել այն ընդգրկուն կոռուպցիոն սխեման, որը նրանց հաջողվել Է բացահայտել մաքսային մարմինների գործունեության մեջ: Դրան մասնակցելու կասկածանքով օգոստոսի 21-ին ձերբակալվել Է երկրի նախկին փոխնախագահ Ռոքսանա Բալդետին:
Պերես Մոլինան վերջին օրերին քանիցս հայտարարել Է, որ ոչ մի կերպ կապված չԷ այդ սխեմայի հետ, եւ որ ինքը չի պատրաստվում պաշտոնաթողություն խնդրել:
Կոռուպցիոն սկանդալի ֆոնին Գվատեմալայի մի քանի նախարարներ հայտարարել են պաշտոնաթող լինելու մասին: Սեպտեմբերի 6-ին երկրում պլանավորված են ընդհանուր ընտրություններ, հաղորդել Է ՏԱՍՍ-ը:
Լուսանկարը` AP
Բաժանորդագրվեք մեր ալիքին Telegram-ում