Ուկրաինացի ուժայինները Լուգանսկում վերջին օրերին վեց անգամ խախտել են հրադադարը
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Ուկրաինացի ուժայինները չեն հետևում Դոնբասում հրադադարի ռեժիմի պահպանման դրույթներին. վերջին օրերին նրանք ինքնահռչակ Լուգանսկի Ժողովրդական Հանրապետության տարածքի ուղղությամբ վեց անգամ կրակ են բացել: «Արմենպրես»-ի հաղորդմամբ` այս մասին «ՌԻԱ Նովոստի»-ին հայտնել է ԼԺՀ-ի ոստիկանության պաշտոնական ներկայացուցիչը: «Ուկրաինացի ուժայինեը չեն պահպանում հրադադարի ռեժիմը, վերջին մի քանի օրերին արձանագրվել է հրադադարի խախտման 6 դեպք»,-ընդգծել են ոստիկանությունում:
Կրակահերթերի տակ են հայտնվել Պերվոմայսկ, Լոզովոյե, Կալինովկա, Սոկոլնիկի և Ֆրունզե բնակեցված թաղամասերը: Ոստիկանության տվյալներով, ուկրաինացիները նշված բնակավայրերի ուղղությամբ կրակել են 122 մմ տրամաչափի ականանետից, «Ուտյոս» մեծ տրամաչափի գնդացրից և նռնականետից: Զոհեր չկան:
Բաժանորդագրվեք մեր ալիքին Telegram-ում