ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Պյոտր Պորոշենկոն կրկին «Եվրոպայի բաց դռներ» Է խոստացել Ուկրաինայի քաղաքացիներին՝ գերմանական Stern հանդեսին տված հարցազրույցում հայտարարելով, որ Եվրամիության հետ անայցագիր ռեժիմը կմտցվի հաջորդ տարի, տեղեկացնում Է «Արմենպրես»-ը:

«Սա խոստում Է: Եվրոպան իր դռները կբացի Ուկրաինայի համար»,-հայտարարել Է հանրապետության նախագահը, հավելելով նաեւ, որ երկիրը մտադիր Է «հինգ-վեց տարի հետո» հավակնել Եվրամիությանն անդամակցելուն»:

Անցած տարվա վերջին Պորոշենկոն հայտարարել Էր, որ «հնարավոր ամեն բան» կանի Ուկրաինայի եւ ԵՄ-ի միջեւ այցագրերն արդեն 2015 թվականին չեղարկելու համար: Կիեւը հուսով Էր, որ այդ մասին կհայտարարվի Ռիգայում «Արեւելյան գործընկերության» մայիսի 21-22-ի գագաթնաժողովում: Սակայն այդ գագաթնաժողովում ԳՖՀ-ի կանցլեր Անգելա Մերկելը հայտարարեց, որ այցագրային ռեժիմի մեղմացումն առայժմ հնարավոր չԷ: 

Stern-ին տված հարցազրույցում Պորոշենկոն հերթական անգամ հայտարարել Է, որ իր երկիրը «պատրաստ Է խորը եւ թանկ նստող բարեփոխումների»: Դրանց չափազանց դանդաղ իրագործումը նա կապել Է երկրի արեւելքում ընթացող ռազմական գործողությունների հետ:

Ինչպես նշում Է ՌԻԱ Նովոստին, Ուկրաինայի նախագահը վերստին խիստ Է արտահայտվել Ռուսաստանի հասցեին՝ Վլադիմիր Պուտինին մեղադրելով «Ուկրաինայում պատերազմը շարունակվելու» մեջ: