ՄՈՍԿՎԱ, 3 ՕԳՈՍՏՈՍԻ. ԱՐՄԵՆՊՐԵՍ: Ռուսաստանն ապակառուցողական է գնահատում ԱՄՆ ծրագրերն առ այն, որ Սիրիայի ընդդիմությանը պաշտպանելու նպատակով պետք է կրակ բացել այդ երկրի բանակի ուղղությամբ: Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին հայտնել է ՌԴ ԱԳ նախարար Սերգեյ Լավրովը ԱՄՆ պետքարտուղար Ջոն Քերիի հետ հանդիպման ժամանակ: Լավրովը շեշտել է, որ նման գործելակերպն ավելի կբարդացնի ահաբեկչության դեմ պայքարը:

«Ինչ վերաբերում է ԱՄՆ նախաձեռնությանը ստեղծել կոալիցիա Իսլամական պետության դեմ պայքարելու համար, ապա մենք հստակ խնդիր են դրել Քերիի առաջ: Մենք կարծում ենք ապակառուցողական է հայտարարել, որ ավիացիոն ուժերը կհասցնեն հարվածներ այսպես կոչված մեռյալ հատվածներում: Այստեղ առաջանում են բազմաթիվ հարցեր, որոնք ավելի են բարդացնում ահաբեկչության դեմ պայքարը»,- ասել է Լավրովը` հավելելով, որ դժվար է հասկանալ, թե ով ում դեմ է պայքարում:

ՌԴ ԱԳ նախարարը շեշտել է, որ Ռուսաստանը կողմ է, որ սիրիական հարցի առնչությամբ արտաքին գործոնը կամաց-կամաց թուլանա: Նա շեշտել է, որ այս առնչությամբ, պետք է քննարկումներ անցկացնել Քաթարի, Թուրքիայի,  Եգիպտոսի, Հորդանանի եւ Իրանի հետ: