Ադրբեջանում զինվորների համար համերգի մեկնող աշուղները ՃՏՊ-ի են ենթարկվել
17:08, 3 Օգոստոս 2015
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Ադրբեջանի մի խումբ մշակույթի գործիչներ ադրբեջանա-ղարաբաղյան հակամարտ զորքերի շփման գծում ծառայող զինվորների համար համերգի գնալու ժամանակ Քյուրդամիրի շրջանի տարածքում օգոստոսի 2-ի կեսօրին ճանապարհատրանսպորտային պատահարի են ենթարկվել:
Ինչպես հաղորդում է «Արմենպրես»-ը` վկայակոչելով modern.az լրատվական կայքը, վթարի ենթարկվելու հետեւանքով վիրավորվածների մեջ 5 աշուղներ են եղել, որոնցից մեկի վիճակը խիստ ծանր է: Դա երիտասարդ աշուղ Դարյա Մարդանզադեն է: Ներկայում նա գտնվում է Բաքվի նեյրովիրաբուժության հիվանդանոցում: Գլխուղեղի մասում ծանր վնասվածք ստացած երիտասարդ աշուղը վիրահատության է ենթարկվել:
Բաժանորդագրվեք մեր ալիքին Telegram-ում