Ֆինանսների նախարարը խոստանում է վարչապետին ներկայացնել Գագիկ Ծառուկյանի բիզնեսում ստուգումների արդյունքները
11:08, 25 Մայիս 2015
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: ԲՀԿ նախկին առաջնորդ Գագիկ Ծառուկյանին պատկանող ընկերություններում ստուգումները շարունակվում են: Այս մասին Ազգային ժողովում լրագրողների հետ զրույցում ասաց ՀՀ ֆինանսների նախարար Գագիկ Խաչատրյանը: «Ստուգումները որպես զուտ ֆինանսահաշվարկային ստուգումներ չեն, ընթացիկ բոլոր տեսակի ստուգումների շարք ունենք, որ անընդհատ շարունակվում են, չափագրումներն են, գույքագրումներն են, հսկիչ դրամարկղային մեքենաներն են»,- «Արմենպրես»-ի հաղորդմամբ՝ ասաց նախարարը:
Նա նշեց, որ շուտով արդյունքները կներկայացվեն հանրապետության վարչապետին: Նախարարի խոսքով` կան տվյալներ, սակայն դրանք դեռևս ներկայացման ենթակա չեն. «Չենք շտապում, կլինեն տվյալները, կներկայացնենք»:
Բաժանորդագրվեք մեր ալիքին Telegram-ում