Երևանում և մարզերում ՃՈ տուգանային հրապարակ է տեղափոխվել 57 մեքենա
15:27, 22 Մայիս 2015
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Վերջին զանգի տոնական արարողությունների հետ կապված՝ մայիսի 22-ին՝ ժամը 15.00-ի դրությամբ, ճանապարհային ոստիկանության հատուկ պահպանվող տարածք է տեղափոխվել 57 տրանսպորտային միջոց. 22-ը` Երևանում, որոնցից 15-ի վարորդները` անչափահաս, 35-ը` մարզերում, որոնցից 30-ի վարորդները` անչափահաս: «Արմենպրես»-ի հաղորդմամբ՝ ՀՀ ոստիկանությունը մեկ անգամ ևս ծնողներին հորդորում է տրանսպորտային միջոցներ չտրամադրել անչափահասներին, անհրաժեշտության դեպքում անձամբ վարել մեքենան:
«Վերջին զանգի» հանդիսությունների ընթացքում ոստիկանությունը ողջ ծավալով իրականացնելու է հասարակական կարգի ապահովմանն ուղղված իր գործառույթները:
Բաժանորդագրվեք մեր ալիքին Telegram-ում