ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Արևելյան գործընկերության Ռիգայի գագաթնաժողովին պաշտոնապես կտրվի վեց երկրների հանդեպ տարբերակված քաղաքականության մեկնարկը:

Ինչպես հաղորդում է «Արմենպրես»-ըˋ վկայակոչելով  EurActiv France-ը, Արևելյան գործընկերության վեց երկրներըˋ Հայաստան, Վրաստան, Ադրբեջան, Բելառուս,Մոլդովա  և Ուկրաինա, Եվրոպական միության կողմից այլևս չեն դիտարկվում որպես մեկ բլոկի երկրներ:

Այս մասին EurActiv France-ին հայտնել է Ֆրանսիայի նախագահին մոտ կանգնած աղբյուրը: «Դեռևս շատ աշխատանք կա կատարելու այս երկրների հետ, և մենք գտնում ենք, որ պետք է հաշվի առնել այդ երկրների առանձնահատկությունները…Եվրասիական տնտեսական միությանը հետևելը անհամատեղելի չէ Եվրոպական միության ասոցացման համաձայնագրի հետ, ինչպես ցույց է տալիս Հայաստանի օրինակը: Մենք չենք ցանկանում նոր երկաթե վարագույր կախել, մենք չպետք է որդեգրենք առճակատման մոտեցում»,-նշել է աղբյուրը:

Նրա խոսքովˋ նոր հարաբերությունների շրջանակում Հայաստանը Եվրոպական միությանը հատկապես հետաքրքիր է իր էներգետիկ ռեսուրսներով: