Հայաստանի ֆուտբոլի մինչև 17 տարեկան աղջիկների հավաքականը պարտվեց Էստոնիայի թիմին
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի մինչև 17 տարեկանների հավաքականը կրեց հերթական պարտությունը:
Բելառուսի մայրաքաղաք Մինսկում կայացավ ՈՒԵՖԱ-ի Զարգացման մրցաշարի երկրորդ տուրի հանդիպումը Հայաստանի և Էստոնիայի մինչև 17 տարեկան աղջիկների հավաքականների միջև: Խաղն ավարտվեց 2:0 հաշվով հօգուտ Էստոնիայի հավաքականի: Մրցաշարի վերջին տուրում մայիսի 5-ին Հայաստանի հավաքականը կմրցի Բեառուսի ընտրանու հետ:
«Արմենպրես»-ի հաղորդմամբ, այս մասին տեղեկացնում է ՀՖՖ-ն:
Ավելի վաղ Հայաստանի և Լիտվայի մինչև 17 տարեկան աղջիկների հավաքականնեըի միջև խաղն ավարտվել էր 0:0 հաշվով: Ըստ մրցաշարի ձևաչափի՝ ոչ-ոքիի դեպքում նշանակվում են 11-մետրանոցներ: Այդ հարվածաշարում հաջողությունն ուղեկցեց մեր մրցակիցներին: Լիտվայի հավաքականը հաղթեց 3:1 հաշվով:
Բաժանորդագրվեք մեր ալիքին Telegram-ում