Գյուղացիներից կաթը կմթերվի նախկին գներով
17:48, 1 Ապրիլ 2015
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: ՀՀ գյուղատնտեսության նախարարությունը պայմանավորվածություն է ձեռք բերել «Աշտարակ կաթ»,«Բանդիվան կաթ», «Իգիթ» ընկերությունների հետ առ այն, որ այդ ընկերությունները կշարունակեն գյուղացիական տնտեսություններից կաթ մթերել նախկին գներով: Ինչպես «Արմենպրես»-ին տեղեկացրին ՀՀ գյուղատնտեսության նախարարության հասարակայնության հետ կապերի բաժնից, խնդիրը լինելու է նախարարության ուշադրության կենտրոնում:
Շիրակի մարզի Աշոցքի և Ամասիայի տարածաշրջանների մի շարք գյուղերի բնակիչներն ապրիլի 1-ին մտահոգություն էին հայտնել կաթի մթերման գների նվազեցման հետ կապված հարցի առնչությամբ:
Բաժանորդագրվեք մեր ալիքին Telegram-ում