Ազգությունը թաքցրած հայը Նիդեռլանդներից կարող է ընտանիքի հետ արտաքսվել Հայաստան
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Նիդերլանդների Դեն Բոշ քաղաքի դատարանը հայտարարել է հայազգի Հովսեփին և նրա ընտանիքին Հայաստան արտաքսելու հնարավորության մասին: Դատարանը նման որոշման համար հիմք է ընդունել այն, որ 16 տարեկանում Նիդեռլանդներ տեղափոխվելիս Խաչատրյանը թաքցրել է իր իրական ինքնությունը` անունն ու ազգությունը:
Ինչպես հաղորդում է «Արմենպրես»-ըˋ վկայակոչելով հոլանդական «Էքսպատիկա» կայքը, Խաչատրյանն ամուսնած է , ունի երկու երեխա:
Դատարանը հայտնել է, որ Արդարադատության կրտսեր նախարար Ֆրեդ Թիվենը լիազորված է մերժել Խաչատրյանի բնակության թույլտվության նոր խնդրանքը: Նախկին թույլտվությունը սպառվել էր դեռ 2010 թվականին:
Բաքսմիր քաղաքի, ուր բնակվում է Խաչատրյանների ընտանիքը, ավելի քան 700 բնակիչներ դիմում խնդրագիր են ստորագրել` նրանց աջակցելու համար: Իսկ քաղաքային խորհուրդը ֆինանսական աջակցություն է տրամադրել հայ ընտանիքին, քանի որ Հովսեփ Խաչատրյանը որպես անօրինական գաղթական զրկվել էր նաև աշխատանքից:
Բաժանորդագրվեք մեր ալիքին Telegram-ում