Նիզամիում բնակելի տան տանիք է այրվել
21:41, 3 Մարտ 2015
ԱՐՏԱՇԱՏ, 3 ՄԱՐՏԻ, ԱՐՄԵՆՊՐԵՍ: Արարատի մարզային փրկարարական վարչությունում մարտի 3-ին, ժամը 14:08-ին ահազանգ է ստացվել այն մասին, որ Արարատի մարզի Նիզամի գյուղի Ազատության փողոցի տներից մեկում հրդեհ է բռնկվել: Ահազանգից անմիջապես հետո դեպքի վայր է մեկնել մեկ մարտական հաշվարկ: Ինչպես «Արմենպրես»-ի թղթակցին տեղեկացրեցին Արարատի մարզային փրկարարական վարչությունից, դեպքի վայրում պարզ է դարձել, որ հրդեհը տեղի է ունեցել հիշյալ փողոցի թիվ 1 տանը: Հրդեհը մեկուսացվել է ժամը 14:24-ին, եւ մարվել` ժամը 14:35-ին: Հրդեհի հետեւանքով այրվել է 60 քմ տարածքով տան տանիքը, եւ 100 քմ մակերեսով խոտածածկ տարածք:
Լիլիթ Մաճկալյան
Բաժանորդագրվեք մեր ալիքին Telegram-ում