ԲՀԿ-ն դադարեցրել է բոյկոտը
12:20, 3 Մարտ 2015
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ազգային ժողովի «Բարգավաճ Հայաստան» խմբակցությունը դադարեցրել է բոյկոտը և մասնակցում է կառավարության հրավիրած արտահերթ նիստին: «Արմենպրես»-ի հաղորդմամբ՝ «Բարգավաճ Հայաստան» խմբակցության պատգամավորների մեծ մասն այս պահին նիստերի դահլիճում են, և մասնակցում են կառավարության հրավիրած արտահերթ նիստի աշխատանքներին:
Ազգային ժողովի «Բարգավաճ Հայաստան» խմբակցությունը բոյկոտել էր խորհրդարանական վերջին քառօրյան: ԲՀԿ խմբակցության քարտուղար Նաիրա Զոհրաբյանը հայտնել էր, որ իրենք առաջիկայում կհստակեցնեն իրենց հետագա անելիքները և հանդես կգան պարզաբանմամբ:
Մարտի 5-ին տեղի կունենա ԲՀԿ 8-րդ համագումարը:
Բաժանորդագրվեք մեր ալիքին Telegram-ում