ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: «Արմենպրես» լրատվական գործակալության Հայաստանի ամենապահանջված գրքերը ներկայացնող  «Երեւանյան բեսթսելեր» հատուկ նախագիծն արդեն երկրորդ անգամ յուրահատուկ նախաձեռնությամբ ամփոփեց տարին: «Արմենպրես»-ի մամուլի սրահում, Մայրենի լեզվի խորհրդանշական օրը` փետրվարի 21-ին անցկացվեց «Տարվա բեսթսելեր» մրցանակաբաշխությունը և մի շարք անվանակարգերում հայտարարվեցին հաղթողները: Մրցանակաբաշխության նպատակն էր արժանին մատուցել տարվա ընթացքում ամենապահանջված գրական ստեղծագործությունների հեղինակներին, թարգմանիչներին, հրատարակիչներին:   

«Արմենպրես» լրատվական գործակալության տնօրեն Արամ Անանյանը մրցանակաբաշխության մեկնարկին շնորհակալություն հայտնեց միջոցառման մասնակիցներին՝ նախագիծն ուշադրության արժանացնելու համար: 

«Այս տարի երկրորդ անգամ ամփոփում ենք տարին, որ մեզ համար ավարտում ենք փետրվարի 21-ին՝ Մայրենի լեզվի օրը: 52 շաբաթ փորձում ենք հաշվարկել այն գրքերը, որոնք մեր ընթերցողների ուշադրությունն են գրավում: Անցյալ տարի մենք իրականացրինք առաջին մրցանակաբաշխությունը, այս տարի` երկրորդը, և հույս ունենք, որ սա կդառնա լավ ավանդույթ: Մեր նախագիծը խղճի մտոք ենք իրագործում, որպեսզի խթանենք ընթերցանությունն ու ընթերցասիրությունը, որպեսզի ընթերցանությունը մեզ առավելապես հատուկ լինի»,- նշեց Արամ Անանյանը:  

«Արմենպրես» լրատվական գործակալության տնօրենի համոզմամբ՝ մենք ժողովուրդ ենք, որը դարեր շարունակ չունենալով պետականություն, օտար նվաճողների հարձակումների ժամանակ անգամ, փրկագնում է ձեռագրերը: «Մարդիկ առաջնորդվում էին «Ոչ միայն հացիվ»-ի սկզբունքով, կարևորում էին գիրքը՝ որպես հիշողություն, մեր մշակութային ժառանգականության շարունակականության մի մաս»,- նշեց նա:

Մրցականակաբաշխությանը Տարվա ժամանանակից հայ հեղինակ ճանաչվեց (հետմահու) Լևոն Խեչոյանը՝ «Մհերի դռան գիրքը» վեպի համար:

«Տարվա արտասահմանյան բեսթսելեր» անվանակարգում առաջատարն են Գաբրիել Գարսիա Մարկեսի` «Բուկինիստ» հրատարակչության  լույսընծայած ստեղծագործությունները («Նահապետի աշունը», «Սերը ժանտախտի օրերին», «Հարյուր տարվա մենությունը»):

Տարվա ամենապահանջված թարգմանությունը կատարել է Զավեն Բոյաջյանը: Նա թարգմանել է Ումբերտո Էկոյի «Վարդի անունը» ( «Անտարես» հրատարակչություն):

Տարվա մանկական գիրքը՝  «Աշխարհի իմաստուն հեքիաթներ»-ը կազմել է Շավարշ Կարապետյանը («Էդիթ Պրինտ» հրատարակչություն):

Բեսթսելերների տարվա հրատարակիչը «Անտարես»-ն է:

«Մանդիլիոն» գրքի համար հատուկ մրցանակ ստացավ երջանկահիշատակ Վահան Հովհաննիսյանը:

Լևոն Անանյանի անվան հատուկ մրցանակի արժանացավ «Էդիթ Պրինտ» հրատարակչությունը՝ «Երիտասարդ գրողների անթոլոգիա»-ի համար:

Նախագծի բարեկամ ճանաչվեց Ալեքսան Մոսոյանը՝ նախագծին համակողմանի օժանդակություն ցուցաբերելու համար:

Մրցանակների արժանացածները կարևորեցին նախագծի իրականացումը՝ ընդգծելով, որ «Երևանյան բեսթսելերը» և «Մանկական բեսթսելերը» խթանում են ընթերցանությունը:

«Երևանյան բեսթսելերը» միտված է հայ գրքի, գրականության, ընթերցանության խրախուսմանը: Նախորդ տարի եւս, համադրելով Գիրք նվիրելու և Մայրենի լեզվի օրերը` «Արմենպրես»-ն անցկացրեց մրցանակաբաշխությունը` վեց անվանակարգերում:

«Երևանյան բեսթսելեր» հեղինակային նախագիծը «Արմենպրես»-ի հաջողված եւ ընթերցված նախագծերից է, որն արդեն ավելի քան 100 շաբաթ շարունակում է հավաքել և ներկայացնել գրախանութների տրամադրած տվյալները` ամենավաճառվող գրքերի մասին: Նախագծի` մանկական լսարանին միտված գրականությունը ներկայացնող մյուս տարբերակն է «Մանկական բեսթսելերը», որը հաջողությամբ շարունակում է իր ընթացքը: «Արմենպրես»-ի այս հատուկ նախագիծը գիրքն ու գրականությունը լավագույնս եւ անաչառ ներկայացնելու համար նախորդ տարի արժանացել էր «Գրքի ընկեր», իսկ այս տարի` «Գրական սըր» մրցանակին:

Արքմենիկ Նիկողոսյան Արամ Անանյան, Ռոզա Գրիգորյան Արամ Անանյան, Ռոզա Գրիգորյան Արամ Անանյան, Ռոզա Գրիգորյան Արամ Անանյան, Ռոզա Գրիգորյան Արքմենիկ Նիկողոսյան Արամ Անանյան, Ռոզա Գրիգորյան, Խաչիկ Վարդանյան Արամ Անանյան Արամ Անանյան, Ռոզա Գրիգորյան, Զավեն Բոյաջյան Արամ Անանյան, Ռոզա Գրիգորյան, Շավարշ Կարապետյան Արամ Անանյան, Ռոզա Գրիգորյան, Արքմենիկ Նիկողոսյան Արամ Անանյան, Ռոզա Գրիգորյան, Արքմենիկ Նիկողոսյան Արամ Անանյան, Ռոզա Գրիգորյան, Հայկ Հովհաննիսյան Արամ Անանյան, Ռոզա Գրիգորյան, Մկրտիչ Կարապետյան Մկրտիչ Կարապետյան Արամ Անանյան, Ռոզա Գրիգորյան, Ալեքսան Մոսոյան Արամ Անանյան, Ռոզա Գրիգորյան Հայկ Հովհաննիսյան պատվոգրեր

Երևանյան բեսթսելեր» հատուկ նախագծի ամենամյա երկրորդ մրցանակաբաշխությունը Լուսանկարները` Գևորգ Պերկուպերկյանի