Հրաձգորդ Մարիամ Միքայելյանը Քուվեյթի մրցաշարում նվաճեց բրոնզե մեդալ
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Հունվարի 24-31-ն ընթանում է Քուվեյթի 4-րդ միջազգային գրան պրին, որին Հայաստանից մասնակցում են Մարիամ Միքայելյանը, Զավեն Իգիթյանն ու Նորայր Առաքելյանը: Թիմը ներկայացնում է Հայաստանի հրաձգության ֆեդերացիայի գլխավոր քարտուղար Արեգ Սարիբեկյանը:
Մարիամ Միայելյանը մասնակցել է երիտասարդ աղջիկների` 10մ, 40 կրակոց մրցույթին: Նա խոցել է 408,7 միավոր և գրավել 3-րդ տեղը` 2 տասնորդականով զիջելով 2-րդ տեղը գրաված Բոսնիա և Հերցոգովինայի ներկայացուցիչ Տատյանա Դեկանովիչին, ով խոցել էր: 1-ին տեղը գրավել է 411,5 մրավոր խոցած ուզբեկ մարզուհի Մարգարիտա Օռլովան: Մարիամ Միքայելյանի անձնական մարզիչն է Անդրանիկ Այվազյանը:
Հայաստանի մյուս ներկայացուցիչներ Նորայր Առաքելյանն ու Զավեն Իգիթյանը հանդես կգան հունվարի 29-ին օդամղիչ ատրճանակ ձևում:
«Արմենպրես»-ի հաղորդմամբ, այս մասին տեղեկացնում է հրաձգության Հայաստանի ֆեդերացիան:
Իսկ հունվարի 28-31-ը Հայաստանի հավաքական թիմի երկրորդ կազմը (Սուսաննա Հովհաննիսյան, Լիա Սահակյան, Հայկ Բաբայան, Վրեժ Թորոսյան և Էլմիրա Կարապետյան) կմասնակցի Մյունխենի միջազգային մրցաշարին` Հայաստանի հրաձգության հավաքականի գլխավոր մարզիչ Սեյրան Նիկողոսյանի և երկրորդ մարզիչ Անդրանիկ Այվազյանի ղեկավարությամբ:
Բաժանորդագրվեք մեր ալիքին Telegram-ում