Վաղը հայտնի կդառնան 2014 թվականի տարվա լավագույն ֆուտբոլիստի և լավագույն մարզչի անունները
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Վաղը` դեկտեմբերի 28-ին, տեղի կունենա Հայաստանի ֆուտբոլի ֆեդերացիայի 2014 թվականի մրցանակաբաշխությունը, որին կմասնակցեն ՀՖՖ գործադիր կոմիտեի անդամները, Հայաստանի ազգային հավաքականի ֆուտբոլիստները, ֆուտբոլային ակումբների, ֆուտբոլային հանրության, ԶԼՄ-ների ներկայացուցիչներ, հյուրեր:
Հանդիսավոր երեկոյի ընթացքում հայտնի կդառնան «Տարվա լավագույն ֆուտբոլիստ» և «Տարվա լավագույն մարզիչ» անվանակարգերում հաղթողները:
«Արմենպրես»-ի հաղորդմամբ, այս մասին տեղեկացնում է Հայաստանի ֆուտբոլի ֆեդերացիան:
«Ոսկե գնդակ», «Արծաթե գնդակ», «Բրոնզե գնդակ» մրցանակները, ինչպես նաև լավագույն մարզչի մրցանակը, դիպլոմները և դրամական պարգևները հաղթողներին կհանձնի
Հայաստանի ֆուտբոլի ֆեդերացիայի նախագահ Ռուբեն Հայրապետյանը:
Բաժանորդագրվեք մեր ալիքին Telegram-ում