Ակտիվիստին ծեծի ենթարկելու գործով հետաքննություն է անցկացվում
13:01, 28 Նոյեմբեր 2014
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Ակտիվիստ, Նախախորհրդարանի անդամ Գևորգ Սաֆարյանին ծեծի ենթարկելու գործի առնչությամբ Ոստիկանության Կենտրոնականի բաժնում հետաքննություն է կատարվում: Այս մասին «Արմենպրես»-ի հարցին ի պատասխան հայտնեց ՀՀ ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը:
Նոյեմբերի 27-ին անհայտ անձինք Խանջյան փողոցում հարձակվել են «Նախախորհրդարանի» անդամ Գևորգ Սաֆարյանի վրա և կոշտ առարկայով հարվածել գլխին։ Նա հարվածից կորցրել է գիտակցությունը: Գևորգ Սաֆարյանին տեղափոխել են Սուրբ Գրիգոր Լուսավորիչ հիվանդանոց:
Բաժանորդագրվեք մեր ալիքին Telegram-ում