Երևանում գազի արտահոսքից թունավորվել են ընտանիքի 3 անդամները
12:15, 26 Նոյեմբեր 2014
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Հիվանդանոցից ոստիկանության Մաշտոցի բաժնում նոյեմբերի 26-ին` ժամը 01.15-ին, հաղորդում է ստացվել, որ Երևանի Մարգարյան փողոցի 22 շենքի թիվ 3 բնակարանից «շմոլ գազից թունավորում» ախտորոշմամբ բուժօգնության են տեղափոխվել 1963թ. ծնված Վարդիթեր Գ.-ն, 2013թ. ծնված Տիգրան Կ.-ն և 1997թ. ծնված Համլետ Բ.-ն: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը պարզել է, որ նշված անձինք թունավորվել են խոհանոցում առաջացած գազի արտահոսքից: Նշանակվել են ԴԲՓ-ներ: Կատարվում է քննություն:
Բաժանորդագրվեք մեր ալիքին Telegram-ում