Արոնյանը և Նակամուրան 4 դասական և 16 կայծակնային պարտիաներ կխաղան
14:32, 7 Նոյեմբեր 2014
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի շախմատի հավաքականի առաջատար Լևոն Արոնյանը Տիգրան Պետրոսյանի հուշամրցաշարի ավարտից հետո կմասնակցի Սենթ Լուիսի մրցաշարին:
Լեւոն Արոնյանը նոյեմբերի 21-25-ը Սենթ Լուիսում մրցախաղ կանցկացնի ԱՄՆ ուժեղագույն շախմատիստ Հիկարու Նակամուրայի հետ: Գրոսմայստերները կանցկացնեն չորս դասական եւ 16 կայծակնային պարտիաներ: Մրցանակային հիմնադրամը կազմում է 100 հազար դոլար:
«Արմենպրես»-ի հաղորդմամբ, այս մասին տեղեկացնում է Armchess կայքը:
Արոնյանը եւ Նակամուրան անհաջող ելույթներ են ունեցել սեպտեմբերին նույն Սենթ Լուիսում անցկացված Սինքֆիլդի գավաթի հեղինակավոր միջազգային մրցաշարում:
Բաժանորդագրվեք մեր ալիքին Telegram-ում