ԼՂՀ-ում կանցկացվեն «Թենիսի տապան-2014» միջազգային թենիսի մրցաշարի խաղերը
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Հանրապետության նախագահ Բակո Սահակյանի աջակցությամբ և բարձր հովանու ներքո ԱՊՀ երկրների ինստիտուտը, «Բոլշայա շլյապա» թենիսի ակումբը և տիեզերագնացների Յուրի Գագարինի անվան թենիսի ակումբը Երևանում և Ստեփանակերտում կկազմակերպեն «Թենիսի տապան-2014» երկրորդ միջազգային թենիսի մրցաշարը:
Ինչպես «Արմենպրես»-ին տեղեկացրին ԱՊՀ երկրների ինստիտուտի մամուլի ծառայությունից, մրցաշարը կկայանա հոկտեմբերի 23-27-ը: Ոչ պրոֆեսիոնալ, սիրողական մակարդակի խաղերը կկայանան Ստեփանակերտի կորտերում:
«Թենիսի տապան-2014»-ն այս տարի նվիրվելու է թենիսի մրցաշարի նախկին մրցավար Էդուարդ Հայկի Խանյանի հիշատակին: Այն իրականացվում է «Ռուսաստան և Հայաստան. երկու հայրենիք» կարգախոսով: Մրցաշարին մասնակցելու են ԱՊՀ երկրների ինստիտուտի տնօրեն, Ռուսաստանի 1-ին, 4-րդ և 5-րդ գումարման պետդումայի պատգամավոր Կոնստանտին Զատուլինը, ԽՍՀՄ և ՌԴ օդաչու-տիեզերագնացներ, քաղաքական, հասարակական և մշակութային գործիչներ, լրագրողներ, ձեռներեցներ Ռուսաստանից, Հայաստանից և ԼՂՀ-ից:
«Թենիսի տապան» մրցաշարն սկսբնավորվել է 2012 թվականին:
Բաժանորդագրվեք մեր ալիքին Telegram-ում