Մխիթարյանը կսկսի մարզվել 3-5 օրից
10:38, 6 Հոկտեմբեր 2014
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Դորտմունդի «Բորուսիա»-ի գլխավոր մարզիչ Յուրգեն Կլոպը վստահեցնում է` Մխիթարյանն առաջիկա օրերին կվերսկսի մարզումները: «Մխիթարյանի վերակագնողանական փուլն ավելի արագ է ընթանում, քան ենթադրվում էր: Մենք հույս ունենք, որ երեք կամ հինգ օրից նա կսկսի նորմալ մարզվել: Ինձ ասել են, որ նա այժմ արագ է վերականգնվում»,- «Արմենպրես»-ի հաղորդմամբ, Կլոպի խոսքերը մեջբերում է «Բորուսիա»-ի պաշտոնական կայքը:
Հենրիխ Մխիթարյանը վնասվածք է ստացել Գերմանիայի առաջնության 4-րդ տուրում «Մայնց»-ի դեմ արտագնա խաղում: Ֆուտբոլիստը փոխարինման է մտել հանդիպման 70-րդ րոպեին, իսկ խաղի վերջնամասում, մրցակցի պաշտպանի կողմից ոտքին ստացած հարվածի հետևանքով վնասվածք է ստացել:
Բաժանորդագրվեք մեր ալիքին Telegram-ում