Հայաստանում ՌԴ բանակը վարժանքներ է անցկացնում
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում ՌԴ ռազմական բազայի Կախմուդ ուսումա-մարզական համալիրում ընթանում են մարտավարական վարժանքներ ճառագայթային, քիմիական և կենսաբանական պաշտպանության ոլորտում: Վարժանքները նվիրված են քիմիական և կենսաբանական արտակարգ իրավիճակներին: Այս մասին սեպտեմբերի 30-ին հաղորդում է «Արմենպրես»-ը` վկայակոչելով ՌԴ Հարավային ռազմական տարածքի մամուլի ծառայությունը:
Եռօրյա ուսումնավարժանքներին մասնակցում են 100 զինծառայողներ և 30 միավոր ռազմական ու հատուկ նշանակության տեպնիկա:
Վարժանքների հիմնական նպատակն է սովորեցնել ճառագայթաբանական, քիմիական և կենսաբանական գումարտակների մասնագետներին հայտնաբերել և ոչնչացնել ինֆեկցիոն հիվանդությունների հարուցիչները, վարակի տարածման կանխարգելումը, անձնական իրերի, հանդերձանքի, զինամթերքի և ռազմական տեխնիկայի սանիտարական և հատուկ մշակումը:
Ուսումնավարժությունների ընթացքում կիրառվելու է առավել քան 150 կգ չոր ախտահանող նյութ, որը չի ներկայացնում բնապահպանական վտանգ Հայաստանի Հանրապետության համար:
Բաժանորդագրվեք մեր ալիքին Telegram-ում