Արոնյանն այլևս 2-րդ լավագույնը չէ աշխարհում
13:22, 30 Սեպտեմբեր 2014
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը նահանջել է ՖԻԴԵ-ի վարկանիշային աղյուսակում:
Նոր վարկանիշային աղյուսակում Արոնյանը զիջել է դիրքերը` իջնելով 5-րդ հորիզոնական: Նա ունի 2793 միավոր: Մրցաշարային աղյուսակը գլխավորում է աշխարհի չեմպիոն Մագնուս Կարլսենը: Երկրորդ տեղը զբաղեցնում է իտալացի Ֆաբիանու Կարուանան, երրորդ տեղում Վեսելին Տոպալովն է, չորրորդում` Ալեքսանդր Գրիշչուկը:
«Արմենպրես»-ի հաղորդմամբ, Հայաստանի ներկայացուցիչներից 100 լավագույնների մեջ ընդգրկվել են նաև Գաբրիել Սարգսյանը (53-րդ տեղ, 2690 միավոր), Հրանտ Մելքումյանը (64-րդ տեղ, 2678 միավոր), Սերգեյ Մովսիսյանը (93-րդ տեղ, 2657) և Վլադիմիր Հակոբյանը (94 տեղ, 2657 միավոր):
Բաժանորդագրվեք մեր ալիքին Telegram-ում