ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի երկու ըմբիշներ` 98 կգ քաշային Արթուր Ալեքսանյանը և 71 կգ քաշային Վարշամ Բորանյանը, դուրս են եկել Ուզբեկստանի մայրաքաղաք Տաշքենդում անցկացվող Հունահռոմեական ոճի ըմբշամարտի աշխարհի առաջնության մեկ քառորդ եզրափակիչ փուլ: «Արմենպրես»-ի հաղորդմամբ` երկու մարզիկներն էլ նախորդ մրցամարտերում համոզիչ հաղթանակներ են տարել և այժմ լավ հնարավորություններ ունեն պայքարելու մեդալների համար:

Արթուր Ալեքսանյանը 1/8  եզրափակիչում 2:0 հաշվով հաղթել է հունգարացի Ադամ Վարգային, իսկ Բորանյանը 10:2 հաշվով պարտության է մատնել Ուզբեկստանը ներկայացնող Դիլշոջոն Տուրդիեւին: Հայաստանը ներկայացնող մյուս մարզիկը` 59 կգ քաշային Ռոման Ամոյանը, 1/16 եզրափակիչում 0:3 հաշվով զիջել է ռուս ըմբիշ Մինգիյան Սեմենովին: