Արոնյանը ոչ-ոքի խաղաց աշխարհի չեմպիոնի հետ
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը ոչ-ոքի խաղաց աշխարհի գործող չեմպիոն Մագնուս Կարլսենի հետ: Սենթ Լուիս քաղաքում ընթացող խոշոր մրցաշարի 9-րդ տուրում Արոնյանը խաղում էր Կարլսենի հետ: Գրոսմայստերները կատարեցին 84 քայլ և համաձայնեցին ոչ-ոքի արդյունքին: Միաժամանակ ընթացող պարտիաներում ևս գրանցվեցին ոչ-ոքի արդյունքներ: Հիկարու Նակամուրան խաղում էր Ֆաբիանու Կարուանայի, իսկ Մաքսիմ Լագրավը` Վեսելին Տոպալովի հետ:
Վերջին տուրում Արոնյանը կխաղա այս մրցաշարում ֆանտաստիկ արդյունք ցույց տված Ֆաբիանու Կարուանային հետ: Մյուս զույգերն են` Հիկարու Նակամուրա-Մաքսիմ Լագրավ, Վեսելին Տոպալով-Մագնուս Կարլսեն:
Մրցաշարի ավարտից մեկ քայլ առաջ 8 միավոր ունի Ֆաբիանու Կարուանան: Կարլսենն ունի միայն 5, իսկ Տոպալովը` 4,5: Արոնյանը 3,5 միավորով նախավերջին տեղում է:
Բաժանորդագրվեք մեր ալիքին Telegram-ում