Հրանտ Մելքումյանը կիսեց միավորը 7-րդ տուրում
09:56, 23 Օգոստոս 2014
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Գրոսմայստեր Հրանտ Մելքումյանը շարունակում է մնալ Ռիգայի մրցաշարի առաջատար:
Անցկացրած 7-րդ տուրում Մելքումյանը ոչ-ոքի խաղաց երկրորդ տեղում ընթացող Ռիչարդ Ռապորտի հետ պարտիայում: Խաղի 32-րդ քայլում Մելքումյանը և Ռապորտը կիսեցին միավորը: Այս տուրից հետո Մելքումյանն ունի 6,5 միավոր և շարունակում է միանձնյա գլխավորել մրցաշարային աղյուսակը:
«Արմենպրես»-ի հաղորդմամբ, հաջորդ տուրում հայ գրոսմայստերի մրցակիցը կլինի Ռուսաստանի ներկայացուցիչ Բորիս Սավչենկոն, ով 6 միավորով հետապնդում է Մելքումյանին:
Բաժանորդագրվեք մեր ալիքին Telegram-ում