Վենեսուելան լրացուցիչ զենք կգնի Ռուսաստանից եւ Չինաստանից
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն հայտարարել Է, որ իր երկիրը լրացուցիչ զենք կներմուծի Ռուսաստանից եւ Չինաստանից՝ իր ռազմական հզորությունը մեծացնելու համար, տեղեկացնում Է «Արմենպրես»-ը՝ հղում անելով Noticias24 նորությունների պորտալին: Նրա խոսքով՝ շուտով աշխատանքը կսկսեն այն հանձնաժողովները, որոնք կզբաղվեն Վենեսուելայի բանակի համար նորագույն սպառազինության պատվերների ընտրությամբ:
Ավելի վաղ Զենքի համաշխարհային վաճառքի վերլուծության կենտրոնի տնօրեն Իգոր Կորոտչենկոն ասել Է, որ մինչեւ 2015 թվականը Վենեսուելան կզբաղեցնի երկրորդ տեղը (Հնդկաստանից հետո) Ռուսաստանի սպառազինությունների արտահանման կառուցվածքում: Ըստ ՌԻԱ «Նովոստի»-ի տեղեկատվության՝ 2012 թվականից մինչեւ 2015 թվականը Մոսկվան Կարակասին կմատակարարի 3,2 միլիարդ դոլարի պաշտպանական արտադրանք:
«ՌոսօբորոնԷքսպորտը» 2005-ից մինչեւ 2009 թվականը Վենեսուելայի հետ կնքել Է սպառազինությունների մատակարարման շուրջ 30 պարտավորագիր: Կարակասը նախապատվությունը տվել Է ռուսական՝ հակաօդային պաշտպանության համալիրներին («Բուկ», «Իգլա»), Տ-72Մ տանկերին, «Սմերչ», «Գրադ» համազարկային կրակի համակարգերին, զրահատեխնիկային եւ հրետանուն:
Բաժանորդագրվեք մեր ալիքին Telegram-ում