ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Ֆրանսիայի իշխանությունները հավաստել են Մալիում Ալժիրի ավիահանրանավի աղետի վայրի հայտնաբերման վերաբերյալ տեղեկատվությունը, ավիահանրանավ, որտեղ եղել են ավելի քան 50 ֆրանսիացի քաղաքացիներ: Այդ մասին, ինչպես տեղեկացնում է «Արմենպրես»-ը, հուլիսի 25-ին հաղորդել է France-Presse գործակալությունը:

«(Ավիաաղետի) վայր է ուղարկվել ֆրանսիացի զինվորների ստորաբաժանում՝ օբյեկտի անվտանգության ապահովման եւ միջադեպի մասին առաջին տեղեկատվության հավաքման համար»,- հայտնել է Ֆրանսիայի նախագահի վարչակազմը:   

Ավելի վաղ հարեւան Բուրկինա Ֆասոյի (որտեղից թռել է չվերթը) զինվորականները հաղորդել են, որ փրկարարները զննել են ինքնաթիռի աղետի վայրը՝ հայտնաբերելով բեկորներ եւ զոհվածների մարմիններ: Նրանց տվյալներով՝ ավիաաղետը տեղի Է ունեցել Մալիի տարածքում՝ Բուլիքեսի գյուղի մոտ՝ Գոսի քաղաքից 80 կիլոմետր դեպի հարավ - արեւմուտք եւ Բուրկինա Ֆասոյի սահմանից 50 կիլոմետր հեռավորության վրա:   

Հուլիսի 24-ին Ալժիրի McDonnell 83 ինքնաթիռը, որը Բուրկինա Ֆասոյի մայրաքաղաք Ուագադուգուից ուղեւորվում Էր Ալժիր, կորել Է ռադարներից: AH5017 չվերթն իրականացնում Էր Air Algerie ընկերությունը, որն ինքնաթիռը վարձակալել Էր Իսպանիայի Swiftair ընկերությունից: Հանրանավի հետ կապը կորել Է այն բանից 50 րոպե հետո, երբ այն թռել Է Ուագադուգուից: Ինքնաթիռում եղել Է 116 մարդ, նրանց թվում 15 երկրների քաղաքացիներ, մեծամասնությունը՝ ֆրանսիացիներ: Ենթադրաբար նրանք բոլորը զոհվել են: