Նորվեգիան հիշում Է Անդերս Բրեյվիկի կողմից երկրում իրականացված սարսափելի ահաբեկչական գործողության զոհերին
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Նորվեգիայի բոլոր քաղաքներում հուլիսի 22-ին սգո արարողություններ են ընթանում երկրում ամենախոշոր ահաբեկչական գործողության 77 զոհերի հիշատակին, որն իրականացվել Է նորվեգացի Անդերս Բրեյվիկի կողմից: Հարյուր հազարավոր մարդիկ են եկել Օսլո՝ կառավարական թաղամասի մոտ, ուղեւորվել Ուտյոյա կղզի եւ մասնակցում են հիշատակի արարողություններին, տեղեկացնում Է «Արմենպրես»-ը՝ հղում անելով նորվեգական լրատվամիջոցներին: Իսկ «Հուլիսի 22» խմբի մասնակիցները Facebook-ում առաջարկել են բոլոր նրանց՝ ովքեր հուլիսի 22-ը համարում են սգո օր, որեւԷ անծանոթ կարմիր վարդ նվիրել ի հիշատակ զոհվածների:
Նորվեգիայի շատ քաղաքներում կանգնեցվել են այդ ողբերգության զոհերի հուշարձաններ՝ ուղղանկյուն քարե կոթողներ, որոնց վրա քանդակված Է մարդու պատկեր: Ամենամեծ հուշարձանը Նորվեգիայի իշխանությունները պլանավորել Էին բացել Ուտյոյա կղզում, սակայն զոհվածների ազգականներին դուր չի եկել նախագիծը, որի իրացման համար հարկ կլիներ հիմնովին փոխել կղզու արտաքին տեսքը: Բացի այդ, շրջանի բնակիչները չեն ցանկանում, որ սուգն ընդմիշտ հաստատվի այդ վայրում:
Այս տարի 800 մարդ Է ժամանել Ուտյոյա կղզի եւ երկինք արձակել 69 օդապարիկ՝ ի հիշատակ զոհվածների: Այդ տխուր վայր վերադարձածների թվում են եռամյա վաղեմության իրադարձությունների մասնակիցները, նրանց ընկերներն ու ընկերների ընկերները: Նրանք վստահ են, որ նման հանդիպումները, որոնց այժմ հավաքվում են ռեկորդային թվով երիտասարդներ, վառ են պահում զոհվածների հիշատակը: «Մենք ցանկանում ենք Բրեյվիկին ցույց տալ, որ չենք հանձնվում, որ նա չի հաղթել: Մենք կշարունակենք մեր գործը»,-ակտիվիստների խոսքը մեջբերում են նորվեգական ԶԼՄ-ները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում