Թուրքիայում սկսել են շրջանառվել հաջորդ վարչապետի հնարավոր առաջին թեկնածուների անունները
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Թուրքիայում սկսել են շրջանառվել տեղեկություններ այն մասին, թե ով կարող է զբաղեցնել երկրի վարչապետի պաշտոնը, եթե ներկայիս վարչապետ Ռեջեփ Թայիփ Էրդողանը դառնա նախագահ: Ինչպես հաղորդում է «Արմենպրես»-ը`վկայակոչելով թուրքական «Միլլիեթ» պարբերականը, նոր հնարավոր վարչապետերի մասին խոսել է իշխող «Արդարություն և զարգացում» կուսակցության փոխնախագահ Մեհմեթ Ալի Շահինը:
Նա նշել է, որ եթե Էրդողանն օգոստոսին ընտրվի երկրի նախագահ, ապա նրա պաշտոնն ամենայն հավանականությամբ կզբաղեցնի փոխվարչապետերից մեկը: Իսկ Թուրքիայի փոխվարչապետերը չորսն են` Բյուլենթ Արընչը, Ալի Բաբաջանը, Բեշիր Աթալայը և Էմրուլլահ Իշլերը:
Թուրքիայում նախագահական ընտրությունները տեղի կունենան օգոստոսի 10-ին: Առաջին անգամ նախագահը կընտրվի համաժողովրդական քվեարկության միջոցով:
Բաժանորդագրվեք մեր ալիքին Telegram-ում