«Հայ-ամերիկյան առողջության կենտրոն»-ի բժիշկները հետազոտություն կիրականացնեն Ստեփանակերտի ԲԿ-ում
12:06, 16 Ապրիլ 2014
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: «Հայ-ամերիկյան առողջության կենտրոն» հիմնադրամի բժիշկներն ապրիլի 17-ին և 18-ին Ստեփանակերտում կիրականացնեն հիվանդների խորհրդատվություն և հետազոտություն: Ինչպես «Արմենպրես»-ին տեղեկացրին ԼՂՀ առողջապահության նախարարության մամուլի ծառայությունից, բժիշկ-ռադիոլոգ Հովհաննես Վարդևանյանի կողմից Ստեփանակերտի Հանրապետական բժշկական կենտրոնում կիրականացվի կրծքագեղձի մամոգրաֆիա, կրծքագեղձերի և ավշային հանգույցների սոնոգրաֆիա, ներքին օրգանների սոնոգրաֆիա: Գինեկոլոգ-ուռուցքաբան Վահե Տեր-Մինասյանի կողմից Մոր և մանկան առողջության պահպանման կենտրոնում կիրականացվի նախաքաղցկեղային հիվանդությունների ախտորոշում, ինչպես նաև քսուքի հյուսվածքաբանական հետազոտություն:
Բաժանորդագրվեք մեր ալիքին Telegram-ում