Հայաստանի շախմատի հավաքականն օլիմպիական եռակի չեմպիոն է
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց հավաքականը երրորդ անգամ նվաճեց շախմատային Օլիմպոսը: Մեր ոսկե հավաքականը Ստամբուլում ավարտված շախմատի 40-րդ համաշխարհային օլիմպիադայի վերջին` 11-րդ վճռական փուլում, 2,5-1,5 հաշվով հաղթեց Հունգարիայի թիմին։ «Արմենպրես»-ի փոխանցմամբ, նույնքան` 19-ական միավոր վաստակեցին Հայաստանի եւ Ռուսաստանի հավաքականները. լրացուցիչ ցուցանիշերով Հայաստանի հավաքականը հռչակվեց օլիմպիական չեմպիոն:
Վերջին փուլում Չինաստանը 3:1 հաշվով պարտվեց Ուկրաինայի թիմին, իսկ Ռուսաստանը նույն հաշվով առավելության հասավ Գերմանիայի թիմի նկատմամբ:
Վերջին չորս օլիմպիադաներում Հայաստանը երեք անգամ հռչակվել է Օլիմպիական չեմպիոն: Նախորդ տարի Չինաստանում մեր հավաքականը նվաճեց աշխարհի թիմային առաջնության չեմպիոնի կոչումը:
Բաժանորդագրվեք մեր ալիքին Telegram-ում