387.58
Էփրիքոթ Կապիտալը սկսել է «Apricot talks խելացի ներդրողի փոդքասթ» նախագիծը
3 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ։ Էփրիքոթ Կապիտալ ներդրումային ընկերությունը հայտնում է իր «Apricot talks խելացի ներդրողի փոդքասթ» ծրագրի մասին։ Առաջին էպիզոդն այժմ հասանելի է հիմնական փոդքասթ հարթակներում և YouTube-ում:
«Էփրիքոթ Կապիտալը հանձնառու է Հայաստանում զարգացնել առողջ ներդրումային մշակույթ: Իսկ այն սկսվում է հանրությանը ներդրումների, դրանց առաջարկած հնարավորությունների, ինչպես նաև ռիսկերի մասին կրթելուց»,- ասել է Էփրիքոթ Կապիտալի գործադիր տնօրեն Վաչիկ Գևորգյանը։
Խելացի ներդրումները հասանելի դարձնել բոլորի համար
Այդ կապակցությամբ ընկերությունը սկսել է Էփրիքոթ Ակադեմիա նախաձեռնությունը, որն իրենից ներկայացնում է ընկերության կայքում և այլ հարթակներում տեղեկատվական և կրթական նյութերի պարբերական հրապարակում, ինչպիսիք են Ներդրողի բառարանն ու Հարց ու Պատասխան շարքը, ներդրումների թեմայով ինտերակտիվ վարպետությունների դասերի կազմակերպումը, իսկ հիմա նաև՝ փոդքասթը։
«Apricot talks խելացի ներդրողի փոդքասթ»-ը փորձագետների հետ զրույցների շարք է, որոնք կարող են օգտակար լինել լայն հանրությանը փողերի և ներդրումների հետ կապված ավելի խելամիտ որոշումներ կայացնելու գործում։
Որտեղ լսել և դիտել
«Apricot talks խելացի ներդրողի փոդքասթ»-ը հասանելի է
«Ինչո՞ւ կատարել ներդրումներ» խորագրով առաջին էպիզոդը ներառում է անդրադարձ այնպիսի թեմաների, ինչպիսիք են
- Ներդրումներ կատարելու հիմնական դրդապատճառներն ու գործիքները
- Ակտիվ և պասիվ ներդրումների տարբերությունը
- Բորսայում շրջանառվող ֆոնդերը (ETF), և ինչպես են դրանք աշխատում
- Ինչը կարող է ազդել արժեթղթերի շուկայի վրա
- Տեղական շուկայում վարքագծային շեղումը
- Ինչո՞ւ են ներդրողները համարվում իռացիոնալ
- Որո՞նք են բաժնետերերի 3 իրավունքները
Լինելով հաճախորդամետ ընկերություն՝ Էփրիքոթ Կապիտալը հնարավորություն է տալիս ունկնդիրներին մասնակցել փոդքասթի ապագա էպիզոդների պատրաստմանը՝ տեսանյութի մեկնաբանություններում կամ ընկերության սոցիալական ցանցերի էջերին նամակ գրելու միջոցով հարց կամ թեմայի առաջարկ թողնելով:
Փոդքասթը պատրաստել և արտադրել է «Բանաձև» ընկերությունը։
Էփրիքոթ Կապիտալի մասին
Էփրիքոթ Կապիտալը հայկական առաջատար ներդրումային ընկերություն է, որն առաջարկում է ներդրումային գործիքներ և արդյունավետ հարթակ ինչպես փորձառու, այնպես էլ սկսնակ ներդրողների համար: Էփրիքոթի հարմար բջջային հավելվածի միջոցով հաճախորդները հնարավորություն ունեն ցածր միջնորդավճարներով օգտվել համաշխարհային ֆինանսական շուկաների ներդրումային հնարավորություններից, այդ թվում՝ ներդրումներ կատարել միջազգային հեղինակավոր ընկերությունների բաժնետոմսերում, ETF-ներում, ՀՀ պետական պարտատոմսերում և այլ գործիքներում:
Էփրիքոթ Կապիտալը վերահսկվում է ՀՀ Կենտրոնական բանկի կողմից։
