Մովսես Հակոբյանին չի մտահոգում Ադրբեջանի սպառազինությունը
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Լեռնային Ղարաբաղի Հանրապետության պաշտպանության նախարար Մովսես Հակոբյանին չի մտահոգում Ադրբեջանի սպառազինությունը: Ստեփանակերտում լրագրողների հետ հանդիպմանը ՊԲ հրամանատարն ընդգծեց, որ սպառազինությունը դեռ ոչինչ չի նշանակում. հարկավոր է նաև զենքերը գործածելու կարողություն ունենալ: «Երբ պատերազմը սկսվեց ուժերի հարաբերակցությունը 1/20-ի էր, իսկ այսօր 1/2-ի: Մենք լավ սպառազինված ենք: Այն, ինչ Ադրբեջանը ձեռք է բերել Ռուսաստանից, իհարկե, մեզ համար վատ է, սակայն վախեցնող չէ: Պատերազմի տարիներին էլ նրանք սպառազինվում էին, բայց մենք հաղթեցինք: Այնպես որ թող Ադրբեջանը շարունակի զենք գնել»,- «Արմենպրես»-ի հաղորդմամբ՝ ասաց Հակոբյանը:
ՊԲ հրամանատարն ընդգծում է, որ Ադրբեջանն այդքան ինքնաթիռներ է ձեռք բերում, մեծ քանակությամբ տանկեր, սակայն ռազմական գործողությունների ժամանակ դրանք չեն կարող արդյունավետ գործածել, քանի որ տարածքը որոշակի սպառազինություն է պահանջում, իսկ Ադրբեջանի մոտ ավելցուկ կա զենքերի: «Բացի այդ, նրանք այդ զենքերը օգտագործելու կարողություն էլ չունեն: Պատերազմը մեքենաների մրցավազք չէ, թե իմ «Ջիպ»-ը քո «Ջիպ»-ից լավն է, հարկավոր է ճիշտ մարտավարություն ունենալ: Սա արվեստ է, օպերատիվ արվեստ, որին պետք է տիրապետել: Եթե նրանց թվում է, որ սահմանին 1000 տանկ ունենալով, կարող են ինչ-որ գործողություն իրականացնել, դա հնարավոր չէ, մենք շատ փոքր թվով էլ կարող ենք նրանց վնասազերծել» ,- ասաց ՊԲ հրամանատարը:
Անդրադառնալով բալիստիկ հրթիռներին, որոնց մասին Սոչիում կայացած հանդիպումից հետո հարցազրույցի ժամանակ խոսել էր ՀՀ Նախագահ Սերժ Սարգսյանը՝ Մովսես Հակոբյանը նշեց, որ դրանք մնացել են դեռևս խորհրդային տարիներից, նախկինում եղել են միջուկային հրթիռներ, հետագայում մարտագլուխները փոխվել են, սակայն դրանք շատ դիպուկ հրթիռներ են 300 կմ շառավիղ ունեցող: Միևնույն ժամանակ ՊԲ հրամանատարն ընդգծում է, որ սա դեռ բոլորը չէ և իրենք շարունակում են սպառազինվել, ինչի միակ նպատակն է՝ հասնել նրան, որ պատերազմ չսկսվի:
- Գերիների մասին ադրբեջանցի պաշտոնյայի հայտարարությունը գռեհիկ
ապատեղեկատվություն է. ՀՀ ՊՆ
Հայկական կողմը խստորեն պահպանում են մարդասիրական հումանիտար սկզբունքները և նախապայմաններ չենք ներկայացնում ու ընդունում։ - ԱՄՆ նախագահ Բարաք Օբաման շնորհավորել է Սերժ Սարգսյանին վերընտրվելու առթիվ
«Ձեր վերընտրվելը հնարավորություններ է ընձեռում մեր երկու երկրների հարաբերություններն առաջ մղելու համար և Ձեր ժառանգության ստեղծմանը` որպես առաջնորդի»,- նշված է ԱՄՆ նախագահի ուղերձում: - Տարոն Մարգարյանը քվեարկեց հանուն Հայաստանի ապագայի
«Որպես Հայաստանի Հանրապետության քաղաքացի ես կատարեցի իմ պարտքը հանուն Հայաստանի ապագայի, Երեւանի, երեւանցիների»,-«Արմենպրես»-ի հաղորդմամբ` ասաց քաղաքապետը: - Տիգրան Մուկուչյանը հանդիպել է տեղական ՀԿ-ների դիտորդների հետ
Քննարկվել են նաև ընտրողների ցուցակների ճշգրտման ու անճշտությունների վերացման հետ կապված հարցեր, հստակեցվել են դիտորդների իրավունքները, պարտականությունները և գործունեության երաշխիքները: - Սերժ Սարգսյանի փետրվարի 1-ի նախընտրական հանդիպումը հետաձգվել է
Հեռուստաընկերությունների և Հանրային ռադիոյի նախընտրական քարոզչության այսօրվա եթերաժամերին ևս հեռարձակման համար նախատեսված Սերժ Սարգսյանի քարոզչական հոլովակները չեն ցուցադրվի: