Ինչպես Եվրատեսիլի եզրափակիչ փուլում քվեարկել «Լադանիվա» խմբի օգտին
2 րոպեի ընթերցում
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ։ Հայաստանի պատվիրակ «Լադանիվա» խումբն իր «Ժակո» երգով արդեն Եվրատեսիլի եզրափակիչ փուլում է, որը տեղի կունենա այսօր՝ Երևանի ժամանակով ժամը 23:00-ին: Սփյուռքից «Լադանիվա»-ի օգտին քվեարկելու համար հարկավոր է 19 թիվն ուղարկել տվյալ երկրում առանձնացված կարճ համարին:
«Արմենպրես»-ի հաղորդմամբ՝ եզրափակիչ փուլում քվեարկում են Եվրատեսիլին մասնակցող բոլոր երկրները: Քվեարկությունը կբացվի եզրափակիչ փուլի սկզբում։
Ուշադրություն՝ քվեարկել կարող են նաև մրցույթին չմասնակցող երկրները. հարկավոր է մուտք գործել www.esc.vote կայք և համոզվել, որ քվեարկողի բանկային ու հեռախոսային քարտերը միջազգայնորեն ճանաչված են: Օրինակ՝ եթե ցանկանում եք քվեարկել ԱՄՆ-ից, ապա ձեր բանկային և հեռախոսային քարտերը պետք է լինեն ամերիկյան: Կայքում մեկ բանկային քարտով հնարավոր է քվեարկել միայն մեկ անգամ՝ առավելագույնը 20 քվե ավելացնելու հնարավորությամբ։ Սա նշանակում է, որ եթե ցանկանում եք 20 ձայն տալ Հայաստանի օգտին, ապա դա պետք է միանգամից անել՝ հաստատելուց առաջ ավելացնելով քվեների քանակը մինչև 20, քանի որ մեկ քարտով հնարավոր չի լինելու քվեարկել երկրորդ անգամ: Այս ձևով արված քվեարկությունը դիտարկվելու է որպես մեկ հավելյալ երկրից ստացված ձայն: