1 იანვრიდან სავალდებულო სამხედრო სამსახურის ვადა შემცირდება

სომხეთში სავალდებულო სამხედრო სამსახურის ვადა ორი წლის ნაცვლად იქნება 1.5 წელი 2026 წლის 1 იანვრიდან.

„არმენპრესის“ ინფორმაციით, ამის შესახებ განაცხადა სომხეთის რესპუბლიკის პრემიერ-მინისტრმა ნიკოლ ფაშინიანმა.

„დარწმუნებული ვარ, იცით, რომ თავდაცვის მინისტრმა პარლამენტარ კოლეგებთან განხილვების შედეგად კანონმდებლობითი ინიციატივა წარადგინა, რომლის მიხედვითაც სავალდებულო სამხედრო სამსახურის ვადა სომხეთში ორ წლის ნაცვლად უნდა განისაზღვროს 1.5 წლით. თავდაპირველად, დაგეგმილი იყო, რომ ეს რეგულაცია 2026 წლის ზაფხულის გაწვევიდან ამოქმედდებოდა, თუმცა დღეს თავდაცვის მინისტრთან, ხოლო წინა სხდომაზე ჩემს პარლამენტარ კოლეგებთან ერთად ვისაუბრეთ და გადავწყვიტეთ, რომ კანონი უფრო ადრე, 2026 წლის 1 იანვრიდან ამოქმედდებოდა. ანუ 2026 წლის ზამთრის გაწვევიდან სომხეთში სავალდებულო სამხედრო სამსახური ორ წლის ნაცვლად იქნება 1.5 წელი. მადლობას ვუხდი და წარმატებულ სამსახურს ვუსურვებ ჩვენს ყველა ჯარისკაცს“, – დაწერა პრემიერ-მინისტრმა.

ადრე E-draft პლატფორმაზე საჯარო განხილვისთვის წარმოდგენილი იყო სომხეთის რესპუბლიკის თავდაცვის სამინისტროს პროექტი, რომელიც სავალდებულო სამხედრო სამსახურის ვადის შემცირებას და ორი წლის ნაცვლად 1.5 წლის დადგენას ითვალისწინებს.