ნიკოლ ფაშინიანმა საფრანგეთის ელჩთან გამოსამშვიდობებელი შეხვედრა გამართა

პრემიერ-მინისტრმა ნიკოლ ფაშინიანმა მიიღო სომხეთში საფრანგეთის საგანგებო და უფლებამოსილი ელჩი ოლივიე დეკოტინი, რომელიც ჩვენს ქვეყანაში დიპლომატიურ მისიას ასრულებს.

„არმენპრესის“ ცნობით, სომხეთის რესპუბლიკის პრემიერ-მინისტრის აპარატიდან იუწყებიან, რომ ნიკოლ ფაშინიანმა მადლობა გადაუხადა ელჩს მჭიდრო თანამშრომლობისა და სომხეთ-საფრანგეთის ურთიერთობების თანმიმდევრული განვითარების ხელშეწყობისთვის. ნიკოლ ფაშინიანმა, კერძოდ, ხაზი გაუსვა ორ ქვეყანას შორის სტრატეგიული პარტნიორობის დამყარების, ასევე ეკონომიკის, ინფრასტრუქტურების, კულტურისა და სხვა მიმართულებებით კავშირების გაღრმავებისა და გაფართოების ფაქტს.

ოლივიე დეკოტინიმ თავის მხრივ მადლობა გადაუხადა პრემიერ-მინისტრსა და სომხეთის მთავრობას მხარდაჭერის, ერთობლივი მუშაობისა და ნაყოფიერი თანამშრომლობისთვის. ელჩმა რწმენა გამოთქვა, რომ ორ ქვეყანას შორის ურთიერთქმედება გაგრძელდება და გაფართოვდება, მათ შორის ახალი ერთობლივი პროექტების განხორციელების შედეგად.

შეხვედრის მიმდინარეობისას აზრთა გაცვლა-გამოცვლა შედგა სომხეთ-საფრანგეთის თანამშრომლობის დღის წესრიგის საკითხებზე.

პრემიერ-მინისტრმა ფაშინიანმა ელჩს წარმატებები უსურვა შემდგომ საქმიანობაში.