ფაშინიანმა განაცხადა: პუტინთან მიაღწიეს ურთიერთგაგებას, რომ სომხური რკინიგზის კონცესიური მართვის საკითხი რაიმე ფორმით უნდა გადაწყდეს

სომხეთის პრემიერ-მინისტრმა ნიკოლ ფაშინიანმა ბიშკეკში რუსეთის პრეზიდენტ ვლადიმირ პუტინთან შეხვედრას მიმართა და აღნიშნა, რომ მან პოზიტიურ, სამუშაო ატმოსფეროში ჩაიარა, რომლის დროსაც მიღწეულ იქნა მთელი რიგი შეთანხმებები.

„არმენპრესის“ ცნობით, ნიკოლ ფაშინიანმა ამის შესახებ სომხეთის რესპუბლიკის მთავრობის სხდომის შემდეგ ჟურნალისტებთან ბრიფინგზე ისაუბრა.

„შეხვედრა პოზიტიური იყო - სამუშაო ატმოსფეროში. ჩვენ შევთანხმდით, რომ უახლოეს მომავალში ვიზიტით ვესტუმრები მოსკოვს და განვიხილავთ სხვადასხვა საკითხებს.

ასევე მივაღწიეთ გარკვეულ სამუშაო შეთანხმებებს. კერძოდ, გაჩნდა იდეა, რომ უნდა ჩავატაროთ ინვენტარიზაცია ცნებისა „სომხეთ-რუსეთის ურთიერთობები“, რათა წარმოდგენა გვქონდეს, თუ რას ნიშნავს ეს პრაქტიკაში. ანუ - რა პუნქტებია ამ ქვესათაურის ქვეშ და რომელ პუნქტებთან დაკავშირებით გვაქვს ორმხრივად ერთი და იგივე პოზიცია, რომელ პუნქტებთან დაკავშირებით გვაქვს განსხვავებული პოზიციები, სადაა, სადაც გვაქვს ცალსახად დადებითი აზრი და სადაა, სადაც ჩვენი მოსაზრებები არ არის ცალსახა“, - განმარტა ფაშინიანმა.

მან დასძინა, რომ განახილეს ყველაზე სხვადასხვა სფეროების საკითხები, ასევე შეეხნენ სომხეთის რკინიგზის ქსელის რუსული კონცესიური მართვის თემას.

„რკინიგზის საკითხში მიღწეულია ურთიერთგაგება, რომ ეს საკითხი რაიმე ფორმით უნდა გადავჭრათ. ჩემთვის აშკარაა, რომ არსებული მდგომარეობა დიდხანს ვერ გაგრძელდება და გადაწყვეტილებებზე უნდა წავიდეთ“, - განაცხადა ნიკოლ ფაშინიანმა.

შეგახსენებთ, რომ ნიკოლ ფაშინიანმა უფრო ადრე რუსულ მხარეს შესთავაზა, სომხეთისა და რუსეთისთვის მისაღები რომელიმე მესამე ქვეყნისთვის მიეყიდათ სომხური რკინიგზის ქსელის კონცესიური მართვა, ვინაიდან რუსული მართვა სომხეთს ართმევს გარკვეულ კონკურენტულ უპირატესობებს. სომხეთის პრემიერ-მინისტრმა აღნიშნა, რომ სომხეთს აქვს საერთაშორისო რკინიგზის ქსელში ინტეგრირების ისტორიული შესაძლებლობა, თუმცა იმ გარემოების გამო, რომ სომხური რკინიგზა გადაცემულია რუსეთის ფედერაციის კონცესიურ მართვაში, შესაძლოა მოაკლდეს ამ შესაძლებლობას. მან ხაზი გაუსვა, რომ სომხეთს არ შეუძლია თავს უფლება მისცეს მოაკლდეს ასეთ შესაძლებლობას და რომ საკითხმა, საბოლოო ჯამში, გადაწყვეტა უნდა პოვოს. მან ასევე განმარტა, რომ სომხეთს სურს პრობლემა მეგობრულ ატმოსფეროში გადაჭრას.

ბიშკეკში სომხეთისა და რუსეთის ლიდერების შეხვედრის შემდეგ რუსეთის ვიცე-პრემიერმა ალექსეი ოვერჩუკმა განაცხადა, რომ რუსეთი სომხური რკინიგზის მართვის კონცესიის გაყიდვის საჭიროებას ვერ ხედავს.