სომხეთი ირჩევს: საპარლამენტო არჩევნების კენჭისყრის პროცესი დაიწყო

სომხეთში საპარლამენტო არჩევნების კენჭისყრის პროცესი დაიწყო.

„არმენპრესის“ ცნობით, ხმის მიცემა 08:00 საათიდან დაიწყო და 20:00 საათამდე გაგრძელდება, რის შემდეგაც ხმების დათვლის პროცედურა დაიწყება.

სომხეთის შინაგან საქმეთა სამინისტროს მიგრაციისა და მოქალაქეობის სამსახურის მიერ მოწოდებული მონაცემების თანახმად, საპარლამენტო არჩევნებზე ხმის მიცემის უფლება 2 მილიონ 485 ათას 851 ადამიანს აქვს.

კენჭისყრისთვის სომხეთის მთელ ტერიტორიაზე 2005 საარჩევნო უბანი შეიქმნა.

არჩევნების გასაშუქებლად აკრედიტაცია გაიარა 71-მა მედიასაშუალებამ, ასევე რეგისტრირებულია 13 ადგილობრივი და 8 საერთაშორისო სადამკვირვებლო მისია.

არჩევნებში მონაწილეობის მისაღებად დარეგისტრირდა 18 პოლიტიკური სუბიექტი: 16 პარტია და 2 ალიანსი.

წარმოგიდგენთ არჩევნებში მონაწილე პოლიტიკურ ძალებს საარჩევნო ბიულეტენების ნომრების მიხედვით:

1. რეფორმისტების პარტია

2. დემოკრატიული პარტია „ყველას წინააღმდეგი ვარ“

3. ალიანსი „ძლიერი სომხეთი“

4. სომხეთის მერიტოკრატიული პარტია

5. რეფორმისტული პარტია „ახალი ძალა“

6. პარტია „ერთიანობის ფრთები“

7. პარტია „კეთილდღეობითი სომხეთი“

8. სრულიად სომხური პარტია „ეროვნულ-დემოკრატიული პოლუსი“

9. პარტია „ქოჩარის ეროვნული აღორძინება და ერის გამოღვიძება“

10. პარტია „სომხეთის ეროვნული კონგრესი“

11. პარტია „რესპუბლიკა“

12. ქრისტიან-დემოკრატიული პარტია

14. პარტია „დემოკრატიული კონსოლიდაცია“

15. პარტია „დემოკრატია, კანონი, დისციპლინა“

16. პარტია „სამოქალაქო ხელშეკრულება“

17. ალიანსი „სომხეთი“

18. პარტია „რესპუბლიკისთვის“ დემოკრატიის დამცველთა ალიანსი

19. პარტია „განათლებული სომხეთი“

არჩევნებში მონაწილეობისთვის ასევე დარეგისტრირებული იყო პარტია „ალიანსი“, რომლის ბიულეტენის ნომერიც 13 უნდა ყოფილიყო, თუმცა მოგვიანებით პარტიამ ცენტრალურ საარჩევნო კომისიას რეგისტრაციის გაუქმების თხოვნით მიმართა, რაც ცესკომ დააკმაყოფილა.