იწყება სომხეთი-ევროკავშირის პირველი სამიტი

ერევანში სომხეთი-ევროკავშირის პირველი სამიტი იწყება.

„არმენპრესის“ ცნობით, სამიტის წინ, სომხეთის რესპუბლიკის პრეზიდენტის რეზიდენციაში, პრემიერ-მინისტრ ნიკოლ ფაშინიანის მონაწილეობით, ევროკომისიის პრეზიდენტ ურსულა ფონ დერ ლაიენისა და ევროპული საბჭოს პრეზიდენტ ანტონიუ კოშტას დახვედრის ოფიციალური ცერემონია გაიმართა.

დახვედრის ცერემონიის შემდეგ გაიმართება პრემიერ-მინისტრ ნიკოლ ფაშინიანის შეხვედრა ევროკავშირის პოლიტიკურ ხელმძღვანელობასთან, რის შემდეგაც უშუალოდ სამიტი დაიწყება.

სამიტის შედეგების მიხედვით დაგეგმილია პრესკონფერენცია.